“An-Nassr” hujumchisi Krishtianu Ronaldu Saudiya Arabistoni Qirol Kubogi 1/8 finalida “At-Taavon”ga qarshi o‘yindagi (0:1) mag‘lubiyat va 90+6-daqiqada penaltini aniq amalga oshira olmaganiga munosabat bildirdi.
“Har bir qiyinchilik — bu o‘sish uchun imkoniyat”, deb yozdi Ronaldu o‘zining X (sobiq Twitter) ijtimoiy tarmog‘idagi akkauntida.
Ushbu uchrashuvdagi yagona gol mehmonlar futbolchisi Valid al Ahmad tomonidan 71-daqiqada kiritildi.
Ma’lumot uchun, joriy mavsumda Ronaldu barcha turnirlarda 12 ta o‘yinda qatnashib, 9 ta gol va 3 ta golli uzatmani amalga oshirdi. Futbolchining klub bilan amaldagi mehnat shartnomasi 2025-yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.
Izoh (0)