Futbol bo‘yicha Saudiya Arabistoni Qirol Kubogi 1/8 finalida “An-Nassr” “At-Tavun” jamoasiga 0:1 hisobida mag‘lubiyatga uchradi.
Uchrashuvning 90+6-daqiqasida Ar-Riyod jamoasi hujumchisi Krishtianu Ronaldu penaltini noaniq amalga oshirdi. Bu Ronalduning “An-Nassr”dagi 19 ta aniq zarbadan keyingi ilk noaniq penaltisi bo‘ldi. Shu tariqa jamoa nimchorak finaldayoq o‘z yurishini to‘xtatdi.
Krishtianuning noaniq tepgan to‘pi darvoza ustidan o‘tib ketdi va tribunadagi tomoshabinlardan birining qo‘liga tegdi — yosh muxlis o‘zini chetga olishga uringan, biroq to‘p uning qo‘liga tegib, telefonini tushirib yuborgan. O‘yindan so‘ng ushbu voqea aks etgan tasvirlar ijtimoiy tarmoqlarda tarqaldi.
Ma’lumot uchun, joriy mavsumda Ronaldu barcha turnirlarda 12 ta o‘yinda qatnashib, 9 ta gol va 3 ta golli uzatmani amalga oshirdi. Futbolchining klub bilan amaldagi mehnat shartnomasi 2025-yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.
Izoh (0)