Yevropa rahbarlari AQSH va Rossiya prezidentlari Donald Tramp hamda Vladimir Putinning Alyaskadagi muzokaralari yakunlariga bag‘ishlangan qo‘shma bayonot tayyorladi. Bu haqda Polsha bosh vaziri Donald Tusk X ijtimoiy tarmog‘ida ma’lum qilgan.
“Yevropa rahbarlari AQSH prezidenti Donald Tramp tomonidan taqdim etilgan ma’lumotlar asosida Alyaskadagi uchrashuv natijalarini muhokama qilishni yakunladilar. Biz Fransiya, Germaniya, Buyuk Britaniya va Italiya rahbarlari bilan birga Ukraina prezidenti Vladimir Zelenskiyning fikrini ham tingladik va qo‘shma bayonot tayyorladik”, deya yozdi u.
Biroq Tusk qo‘shma bayonotda nima deyilgani haqida aniqlik kiritmagan.
15-avgust kuni Ankorijdagi Elmendorf-Richardson harbiy bazasida Tramp va Rossiya Federatsiyasi prezidenti Vladimir Putin o‘rtasida muzokaralar bo‘lib o‘tdi. Uchrashuvning asosiy mavzusi Rossiya—Ukraina mojarosini tugatish masalasi bo‘ldi. Vazirlar ishtirokidagi “uch-uchga” formatidagi uchrashuv 2 soat 45 daqiqa davom etdi.
Amerika prezidenti sammitdan so‘ng Ukrainadagi mojaroni hal qilish masalasi endi Zelenskiyning qo‘lida ekanini aytdi. Tramp hozircha Ukraina bo‘yicha hech qanday kelishuv yo‘qligini ta’kidladi.
Izoh (0)