AQSH hukumati 24-iyun kuni Ukraina uchun 150 million dollar qiymatidagi yangi harbiy yordam paketini tasdiqlagan. Bu haqda Kyiv Independent nashri xabar berdi.
Yangi paket asosan hujum qurollarini o‘z ichiga olib, Ukraina tomonidan so‘ralgan vositalarni qamrab olgan. Unda HIMARS yuqori harakatchanlikdagi artilleriya raketalari, zirhga qarshi qurollar, kichik qurollar va granatalar, shuningdek, 155 va 105 millimetrli artilleriya snaryadlari borligi qayd etilgan.
Kiyev rasmiylari ushbu qurollar sharqiy mudofaa uchun zarurligini bildirgan. Vashingtondan ushbu ko‘rinishdagi taʼminot hajmini oshirish so‘ralgan.
AQSH rasmiylari boshqa qurollarni istisno qilgan holda, HIMARS va ATACMS raketalari bilan Rossiya ichkarisini nishonga olishni taqiqlagan. Ushbu vositalarning vayronkor salohiyati qurbonlar sonini oshirishi aytilgan. Shuningdek, bu harakat Moskvaning eʼtiroziga sabab bo‘lishi aytilgan.
Rossiya tomoni maʼlum qilishicha, Ukraina 23-iyun kuni Qrimga zarba berishda Amerika tomonidan taqdim etilgan ATACMS raketalaridan foydalangan. Oqibatda to‘rt kishi halok bo‘lgan va 151 kishi jarohatlangan. Ukraina bu xabarga izoh bermagan.
Ukraina rasmiylari hafta davomida AQSH yana ikkita moliyaviy-harbiy paket ajratishini bildirgan. Yangi paketlar hajmi va ular qamrab oladigan vositalar haqida oshkor qilinmagan.
Izoh (0)