Amerikalik milliarder Ilon Mask Meksika bilan chegarada devor qurilishi uchun materiallar sotgani sababli prezident Jo Bayden ma’muriyatini davlatga xiyonatda aybladi.
Milliarder bu haqda X (sobiq Twitter) ijtimoiy tarmog‘ida yozdi. “Bu yuz foiz davlatga xiyonat”, dedi Ilon Mask. U bu fikrini tarmoq foydalanuvchilaridan birining Bayden ma’muriyati devor uchun materiallarni sotib, chegaradagi to‘siqlarni buzib, migrantlar uchun ataylab yo‘l ochgani haqidagi postiga javoban yozdi.
💯 Treason https://t.co/OdKfSXc5DA
— Elon Musk (@elonmusk) January 2, 2025
Oktyabr oyida Bayden Respublikachilar partiyasidan nomzod Donald Trampni qo‘llab-quvvatlagan va uning saylovoldi kampaniyasiga katta mablag‘ sarflagan Ilon Maskning 1990-yillarda AQSHda qonuniy maqomga ega bo‘lmagan holda o‘z boyligini orttirganini aytgandi.
AQSH prezidentiga ko‘ra, Maskning uni keyinchalik millionerga aylantirgan startapni yaratish uchun huquqiy asosi bo‘lmagan. Bunga javoban Mask o‘zining birinchi startapiga asos solgan paytda AQSHda ishlash ruxsatnomasiga ega bo‘lganini aytdi.
Izoh (0)