Realiti shoular va ijtimoiy tarmoqlar yulduzi va aktrisa Kim Kardashyan o‘zining yangi xaridi — Optimus robotini namoyish etdi.
Kim Kardashyan Tesla kompaniyasining yangi kashfiyotlarini sinab ko‘rishga muvaffaq bo‘lgan birinchi xaridorlardan bo‘ldi. U X tarmog‘idagi videoga “Yangi do‘stim bilan tanishing”, deb yozib qoldirgan.
Videoda Kim “yurakcha” yasash uchun robotga qo‘lini uzatadi va Optimus unga javob qaytaradi. Shuningdek, videoda robot Gavayi uslubida raqsga tushishi va “tosh, qog‘oz, qaychi” o‘yinida yutqazishi tasvirlangan:
https://x.com/KimKardashian/status/1858603072513339871
Robot uy yumushlarida ham egasiga yordam berishi, masalan, oziq-ovqat va ichimliklarni olib kelib berishi mumkin.
Ilon Maskning so‘zlariga ko‘ra, robot-gumanoidlarni ishlab chiqarish hajmi 2026-yilga borib bir necha yuztaga yetadi. Optimus’ning narxi uning turiga qarab 20 ming dollardan 30 ming dollargacha yetadi.
Tesla direktori Kardashyanning videosiga izoh bermadi. Biroq u X ijtimoiy tarmog‘idagi postlaridan birini o‘ziga repost qildi va qisqa fursatda videolar internetda mashhur bo‘la boshladi. Mutaxassislarning taʼkidlashicha, Mask Tesla texnologiyalarini reklama qilish uchun mashhurlar reklamasidan foydalanmasligini aytgan, biroq milliarder fikrini o‘zgartirgan bo‘lishi mumkin.
Eslatib o‘tamiz, gumanoid-robot Optimus joriy yilning oktyabr oyida Berbank shahridagi ulkan kinostudiyadagi We, Robot ko‘rgazmasida taqdim etilgan edi.
Izoh (0)