Америкалик миллиардер Илон Маск Мексика билан чегарада девор қурилиши учун материаллар сотгани сабабли президент Жо Байден маъмуриятини давлатга хиёнатда айблади.
Миллиардер бу ҳақда Х (собиқ Twitter) ижтимоий тармоғида ёзди. “Бу юз фоиз давлатга хиёнат”, деди Илон Маск. У бу фикрини тармоқ фойдаланувчиларидан бирининг Байден маъмурияти девор учун материалларни сотиб, чегарадаги тўсиқларни бузиб, мигрантлар учун атайлаб йўл очгани ҳақидаги постига жавобан ёзди.
https://x.com/elonmusk/status/1874646268800323935
Октябрь ойида Байден Республикачилар партиясидан номзод Дональд Трампни қўллаб-қувватлаган ва унинг сайловолди кампаниясига катта маблағ сарфлаган Илон Маскнинг 1990 йилларда АҚШда қонуний мақомга эга бўлмаган ҳолда ўз бойлигини орттирганини айтганди.
АҚШ президентига кўра, Маскнинг уни кейинчалик миллионерга айлантирган стартапни яратиш учун ҳуқуқий асоси бўлмаган. Бунга жавобан Маск ўзининг биринчи стартапига асос солган пайтда АҚШда ишлаш рухсатномасига эга бўлганини айтди.
Изоҳ (0)