“Liverpul” klubi hujumchisi Muhammad Salah Angliya Premer-ligasida noyabr oyining “eng yaxshi futbolchisi” deb topildi.
Futbolchi o‘tgan oyda jamoasi bilan APL doirasidagi 3 ta o‘yinda maydonga tushdi. Uchrashuvlarning barchasida Slot shogirdlari g‘alaba qozongan.
Salah bahslarda 4 ta gol urib, bitta golli uzatmani amalga oshirgan.
Misrlik futbolchi faoliyati davomida 6-marta ushbu sovringa ega chiqdi. Bu borada esa u Stiven Jerrard va Krishtianu Ronaldu bilan tenglashib oldi.
Serxio Aguero va Harri Keyn esa 7-martadan oyning “eng yaxshi futbolchisi” deb topilgan.
Maʼlumot uchun, Salah joriy mavsum 14 o‘yinda 13 ta gol va 8 ta golli uzatma muallifi bo‘lgan.
Izoh (0)