Vinisius Junior “Real Madrid”ning yangi 7-raqam egasiga aylandi. Avvalroq futbolchi 20, 25 va 28-raqamlar ostida harakat qilgandi. Eden Azar ketganidan keyin klubning afsonasi futbolkasi braziliyalikka taqdim etildi.
7-raqam — “Real” uchun o‘ziga xos ahamiyatga ega. Bu raqam ostida klubning bir necha afsonasi yorqin yillarni o‘tkazgan. Quyidagi ushbu raqam ostida harakat qilgan “Real” afsonalari haqida so‘z boradi.
Xoseito
Ayni vaqtda “Real” 14 karra YCHL/YCHK g‘olibi hisoblanadi. Ilk sovrin esa 1956-yilgi “Reyms”ga qarshi o‘tgan finalda (4:3) qo‘lga kiritilgandi. Yettinchi raqam ostida esa yarim himoyachi Xoseito harakat qilgan.
Xoseito “Real” bilan to‘rttadan Chempionlar Kubogi va Ispaniya chempionati g‘olibiligini qo‘lga kiritgan. Hatto raqami mos ravishda 77 ta gol urgan. Jamoa safida jami 178 ta o‘yin o‘tkazgan.
Raymon Kopa
U 1950-yillar so‘ngidagi kuchli jamoaning bir bo‘lagi bo‘lgan, 1958-yilda esa “Oltin to‘p”ga ega chiqqan. Kopa bir necha yil avval paydo bo‘lgan sovrinni qo‘lga kiritgan Alfredo di Stefanodan keyin ikkinchi “Real” vakili bo‘lgandi.
Kopa “Real”da bor-yo‘g‘i uchta mavsum o‘tkazdi va o‘sha vaqtlari ajoyib jamoaga ega bo‘lgan “Reyms”ga qaytib ketgan. Biroq “Real”da o‘zidan sezilarli iz qoldirishga muvaffaq bo‘lgan.
Amanisio Amaro
Madrid klubi bilan to‘qqiz marta Ispaniya chempionligini qo‘lga kiritgan Amaro Chempionlar Kubogida bitta sovringa ega chiqqan. Santyago Bernabeu uni jamoaga olib kelishda asosiy rolni o‘ynagan.
Xuanito
1970/80-yillar yulduzi “Real” bilan ikkita UEFA Kubogini qo‘lga kiritgan, besh karra Ispaniya chempioniga aylangan. Yevrokuboklardagi so‘nggi o‘yinida esa Lotar Matteusning qo‘pol harakatiga javoban raqibining yuzini bosib oladi va bu uning UEFA tomonidan besh yilga diskvalifikatsiya qilinadi.
“Real”ning XXI asrdagi yorqin g‘alabalari guvoh bo‘lish Xuanitoga nasib etmadi. 1992-yil “Real”ning UEFA Kubogi yarim finali doirasida “Torino” ustidan qozongan g‘alabali o‘yinidan keyin Meridaga (o‘sha shahar klubini boshqarardi) qaytishda avtohalokatga uchrab, vafot etadi. Xuanito o‘sha vaqtda 37 yoshda edi.
Emilio Butragenyo
“Real” klubi tarixidagi eng yaxshi futbolchilardan biri bo‘lgan Emilio Ispaniya poytaxtidagi uzoq yillarni juda ko‘tarinki ruhda o‘tkazgandi. Butragenyo 1980-yilllarda La Ligada ketma-ket beshta chempionlikni qo‘lga kiritgan “Real”ning asosiy quroli edi. Xuanito bilan birga ikkita UEFA Kubogini qo‘lga kiritgandi.
Uning faoliyatida “Real”dan boshqa yana bitta bo‘lgan, xolos. Emilio faoliyatining so‘nggi uch yilini Meksikaning “Selaya” jamoasida o‘tkazgan.
Raul
“Real” timsoliga aylangan ispaniyalik futbolchi o‘z vaqtida klub tarixidagi eng yaxshi to‘purarga aylangandi. Faqat Krishtianu Ronaldu va Karim Benzema uning natijasini ortda qoldira oldi.
Raul Ispaniya terma jamoasida ham deyarli har doim 7-raqamda o‘ynagan, biroq boshida 10-raqam ostida harakat qilgandi.
Krishtianu Ronaldu
Bu esa gollar soni bo‘yicha klub rekordchisi. 450 ta gol. Ronaldu “Real”dagi dastlabki mavsumini 9-raqam ostida o‘tkazgan. U vaqtda bu raqam afsonaviy Raulga tegishli edi.
Boshqalar. “Real”da yana bir qancha nomdor 7-raqam egalari bo‘lgan. Fernando Serena, Manolo Sanchis, Luis Enrike, Alfonso, Xuan Esnayder va Xose Amaviska shular jumlasidan.
Izoh (0)