Madridning “Real” klubi La Liganing 19-turidan o‘rin olgan “Atletik Bilbao”ga qarshi uchrashuvda imkoniyatni boy berdi.
Uchrashuv 2:1 hisobida mezbonlarrning g‘alabasi bilan yakunlandi. Shu tariqa, “Los Blankos” 2024—2025-yilgi mavsumdagi beshinchi o‘yinida mag‘lub bo‘ldi.
Opta Sport xabariga ko‘ra, “qirollik klubi” Karlo Anchelotti qo‘l ostida futbol yilining birinchi yarmidagi mag‘lubiyatlar soni bo‘yicha so‘nggi besh mavsumdagi klub antirekordini takrorladi. Avvalgi marta xuddi shu davrda 2020—2021-yilgi mavsumda beshta mag‘lubiyat qayd etilgandi.
Eslatib o‘tamiz, “Atletik“ka qarshi uchrashuvning 53-daqiqasida Beringer hisobni ochdi. Bellingem 78-daqiqada hisobni tenglashtirdi. Ikki daqiqa o‘tib Guruseta gol urdi va jamoasiga g‘alaba keltirdi. E’tiborlisi, 68-daqiqada Mbappe penaltidan unumli foydalana olmadi.
Ma’lumot uchun, avvalroq “qaymoqranglilar” “Liverpul” (0:2), “Milan” (1:3), “Barselona” (0:4) va “Lill” (0:1)ga mag‘lub bo‘lgandi.
Madridning “Real” klubi ayni damda 33 ochko bilan Ispaniya chempionati turnir jadvalida ikkinchi o‘rinda bormoqda.
Izoh (0)