“Liverpul” “Yuventus”ning 19 yoshli vingeri Kenan Yildizga qiziqish bildirmoqda. U 32 yoshli vinger Muhammad Salohga o‘rinbosar sifatida ko‘rilmoqda. Bu haqda Caught Offside nashri xabar bermoqda.
Manbaga ko‘ra, “Keksa sinyora” turkiyalik futbolchini sotishni xohlayotgani yo‘q. Shunga qaramay, uning uchun 80 million yevrolik takliflarni ko‘rib chiqishga tayyor. Yildizning o‘zi esa “Yuventus”da o‘ynayotganidan xursand.
Ma’lumot uchun, joriy mavsumda Kenan Yildiz barcha turnirlarda 20 ta uchrashuvda qatnashib, 4 ta gol va 3 ta golli uzatmaga mualliflik qildi. Futbolchining klub bilan amaldagi mehnat shartnomasi 2029-yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 40 million yevroni tashkil qiladi.
Izoh (0)