“Manchester Siti”ning 33 yoshli yarim himoyachisi belgiyalik Kevin De Bryuyne ingliz klubini tark etishga qaror qildi, deb xabar beradi El Gol Digital sayti.
Belgiyalik super yulduzning shartnoma muddati tugadi va jamoani o‘zgartirishi mumkin. Manbaga ko‘ra, De Bryuyne Saudiya klublarida katta qiziqish uyg‘otmoqda, biroq belgiyalik futbolchining o‘zi Yevropada qolishni istamoqda. “Barselona” bundan unumli foydalanishga tayyor va unga 2025-yilning yozida shartnoma taklif qiladi. De Bryuynening o‘zi ham Hans-Diter Flik boshchiligida ishlashdan manfaatdor.
De Bryuyne joriy mavsumda 11 ta o‘yinda maydonga tushib, bitta gol urdi va golli uzatmani amalga oshirdi. Transfermarkt portalida berilgan ma’lumotlarga ko'ra, futbolchining bozor qiymati 45 million yevroni tashkil qiladi.
Ma’lumot uchun. futbolchi Squawka statistik portali tomonidan tuzilgan 2024—2025-yilgi mavsum yakunlariga ko‘ra Angliya Premyer Ligasining eng yaxshi futbolchisi bo‘lish uchun 10 nafar nomzodlar ro‘yxatidan joy olgan.
Izoh (0)