“Barselona”ning polshalik hujumchisi Robert Levandovski Ispaniya chempionatidagi dastlabki 16 uchrashuvida 16 ta gol urdi va argentinalik hujumchi Lionel Messining La Ligadagi natijasini takrorladi.
Opta Sports ma’lumotlariga ko‘ra, Ispaniya chempionatidagi dastlabki 16 o‘yinida 16 ta gol urgan oxirgi futbolchi Lionel Messi bo‘lib, u 2018—2019-yilgi mavsumda bu natijani amalga oshirgan.
Eslatib o‘tamiz, Messi 2021-yilda “Barselona”ni tark etgandi. Levandovski Kataloniya klubida 2022-yildan buyon o‘ynab kelmoqda. Polshalik hujumchining klub bilan shartnomasi 2026-yilgacha mo‘ljallangan.
Avvalroq Messi “Barselona”da ikki kishi uning faoliyatida alohida o‘rin tutishini ma’lum qilgandi.
“Barselona” hujumchisi Robert Levandovski Chempionlar Ligasi umumiy bosqichining 5-turida “Brest” bilan o‘yinda penaltini aniq amalga oshirib, ushbu turnirda o‘z gollari hisobini 100 taga yetkazgan 3-futbolchiga aylangandi.
Izoh (0)