AQSHda demokratik partiyadan prezidentlikka nomzod Kamala Harris saylovlarda ovoz berganini ma’lum qildi. Bu haqda Sky News xabar berdi.
Detroytda jurnalistlar bilan uchrashuvda Harris o‘z byulletenini to‘ldirgani va uni pochta orqali yuborganini tasdiqladi.
Men o‘z byulletenimni to‘ldirib jo‘natdim, dedi siyosatchi.
Keyinchalik Harris ijtimoiy tarmoqlarda o‘z byulletenini ko‘rsatib, amerikaliklarni muddatidan oldin ovoz berish imkoniyatidan foydalanishga chaqirdi.
Election Day is Tuesday, November 5.
— Kamala Harris (@KamalaHarris) November 3, 2024
Your voice is your vote, and your vote is your power.
I voted by mail. Make your own plan to vote by heading to https://t.co/VbrfuqVy9P. pic.twitter.com/p6ifemADQy
Bir necha kun avval Harrisning partiyadoshi, amaldagi prezident Jo Bayden ham o‘z ovozini bergandi. Oq uy rahbari Delaver shtatida o‘zining shaxsiy qarorgohi joylashgan Uilmington yaqinidagi Nyu Kasl uchastkasiga borgan. Bayden demokratlarning g‘alabasiga umid bildirgan.
AQSHda navbatdagi prezidentlik saylovi 5-noyabrda bo‘lib o‘tadi. Respublikachi Donald Tramp va demokrat Kamala Harris davlat rahbari lavozimi uchun kurashmoqda. 70 milliondan ortiq kishi allaqachon muddatidan oldin ovoz bergan.
Izoh (0)