Donald Tramp Jo Baydenni Rossiya va Xitoy o‘rtasidagi aloqalarni mustahkamlashga yordam berganlikda aybladi. U saylovlarda g‘alaba qozonsa, Moskva va Pekinni “ajratib yuborishga” va’da berdi.
“Bayden Rossiya va Xitoyni yanada yaqinlashishiga yo‘l qo‘yib berdi. Bu sharmandalik! Men ularni ajratishim kerak. Buni qila olaman, deb o‘ylayman”, dedi Tramp amerikalik jurnalist Taker Karlsonga bergan intervyusida.
Joriy yilning mayida Vladimir Putin Pekinga tashrif buyurib, Xitoy rahbari Si Szinpin bilan uchrashgan edi. Avgust oyida Rossiya prezidenti Kremlda Xitoy Davlat kengashi raisi Li Syanni qabul qilgan, sentyabr oyida esa Xitoy Xalq Respublikasi raisi o‘rinbosari Xan Chjen bilan uchrashgan edi.
Oktyabr oyi o‘rtalarida Rossiya Mudofaa vazirligi rahbari Andrey Belousov Pekinga tashrif buyurdi. Xitoy hukumati Rossiya armiyasi bilan hamkorlikni kuchaytirish tarafdori.
AQSHda prezidentlik saylovlari kelasi seshanba, 5-noyabr kuni bo‘lib o‘tadi. Prezidentlik uchun Donald Tramp va AQSH vitse-prezidenti Kamala Harris kurashmoqda.
Izoh (0)