AQSH prezidentligiga nomzod Donald Tramp o‘zining saylovoldi kampaniyasi uchun mablag‘ yig‘ish tadbirida nutq so‘zlab, “kriptoprezident” bo‘lish niyatini ma’lum qildi.
Xabar qilinishicha, tadbir venchur kapitalistlar Devid Saks va Chamath Palihapitiya tomonidan Tramp kampaniyasiga pul yig‘ish maqsadida tashkil etilgan. San-Fransiskodagi uchrashuvda Coinbase kriptovalyuta birjasi vakillari hamda nufuzli investorlar ishtirok etgan.
Tadbirda Tramp Demokratik partiyani raqamli aktivlarga nisbatan siyosati uchun tanqid qilgan. U, shuningdek, ushbu sohaning Qo‘shma Shtatlar uchun muhimligini va bozor ishtirokchilarini qo‘llab-quvvatlash istagini bildirgan. Siyosatchi aniq rejalari haqida ochiqlamagan.
U kriptovalyuta prezidenti bo‘lish istagini aytdi, — dedi Trampning Avstriyadagi sobiq elchisi Trevor Traina Reuters agentligiga.
Tadbirda tashkilotchilar Tramp saylovoldi kampaniyasi uchun 12 million dollar yig‘ishga muvaffaq bo‘lgan.
Siyosotchi bir necha bor raqamli aktivlarni qo‘llab-quvvatlagan. Avvalroq u Truth ijtimoiy tarmog‘ida kriptoaktivlari va ushbu sektorda faoliyat yurituvchi kompaniyalarga nisbatan ijobiy munosabatini qayd etgan postini e’lon qilgan.
Izoh (0)