Россия Федерациясининг Euroclear платформасида музлатилган активларини қайта инвестиция қилишдан олинган даромад 2024 йилнинг тўққиз ойи давомида тахминан 5,15 миллиард еврони ташкил этди.
Бу ҳақда депозитарийнинг учинчи чорак якунлари бўйича хабарида маълум қилинди.
Euroclear аниқлик киритишича, Бельгия ҳукуматига ушбу маблағлардан 1,27 миллиард евро миқдорида солиқ тўланган.
Ҳисоботда қайд этилишича, жами депозитар ҳисобда 176 миллиард евро миқдоридаги Россия маблағлари сақланади.
Аввалроқ Еврокомиссия Россия активларини қайта инвестициялашдан олинган даромадларни экспроприация қилиш механизми яратилишини эълон қилганди. Унга кўра Киевга умумий қиймати 45 миллиард еврогача бўлган маблағ йўналтирилиши кўзда тутилган.
Қайд этилишича, Россия Брюсселнинг ҳаракатларини “глобал ўғирлик” деб атаган ва бунинг учун жавобгарликдан огоҳлантирганди.
Изоҳ (0)