Livan poytaxti Bayrutda halok bo‘lgan “Hizbulloh” bosh kotibining vorisi Hoshim Safi ad-Dinning jasadini topdi. Bu haqda Al Hadath xabar berdi.
Jasad El-Mreyji tumanida Livan fuqaro mudofaasi xizmati xodimlari tomonidan aniqlangan. Marhum 27-sentyabr kuni Bayrutda Isroil tomonidan o‘ldirilgan Hasan Nasrullohning o‘rniga asosiy da’vogar hisoblangandi.
Manbalar u 3-oktyabr kuni bunkerga berilgan zarba oqibatida halok bo‘lganini aytmoqda. Qutqaruvchilar vayronalar ostidan Safi ad-Din o‘tkazgan yig‘ilishda qatnashgan 23 nafar “Hizbulloh” a’zosining jasadini olib chiqqan.
1994-yilda Safi ad-Din o‘sha paytgacha butun guruhni boshqargan Nasrulloh o‘rniga ijroiya qo‘mitasi rahbari bo‘lgan. Al Ghad nashrining yozishicha, Nasrulloh amakivachchasini 2008-yildayoq vafot etgan taqdirida merosxo‘r sifatida tavsiya qilgan.
Al Arabiya nashrining yozishicha, Safi ad-Din 30 yil davomida guruhning maxfiy ishlari bilan shug‘ullangan va umumiy strategiyani ishlab chiqishni Nasrullohga topshirgan. U “Hizbulloh”ning siyosiy, ijtimoiy, madaniy va ma’rifiy faoliyatini nazorat qilishda ishtirok etgan. 2017-yilning may oyida AQSH va Saudiya Arabistoni Safi ad-Dinni terrorchilar ro‘yxatiga qo‘shgandi.
Izoh (0)