26-oktyabrga o‘tar tunda Isroil Eronga raketa zarbalari bergani ma’lum qilingandi. Eron hujum oqibatida o‘z obyektlariga “qisman zarar” yetganini, hozirda zararning aniq miqdori baholanayotganini xabar qildi. Bu haqda Eron Islom Respublikasi havo hujumidan mudofaa kuchlari bayonotida aytiladi.
“Bugun ertalab Isroil keskinlikni kuchaytirish maqsadida Tehron, Xuziston va Ilom viloyatlaridagi baʼzi harbiy obyektlarga hujum uyushtirdi.
Havo mudofaa tizimimiz bu hujumlarning aksariyatini muvaffaqiyatli qaytarganiga qaramay, ayrim hududlarga qisman zarar yetkazildi. Hozirda zararning yakuniy ko‘lami o‘rganilmoqda”, deya bayonot matnidan iqtibos keltiradi IRNA agentligi.
Isroil maxfiy hujjatlar sizdirilishi sababli Eronga hujumni keyinga qoldirgani xabar qilingandi.
“Hujjatlarining oshkor etilishi ma’lum strategiya va tarkibiy qismlarni o‘zgartirish zarurati tufayli hujumni kechiktirdi. Qasos olinadi, ammo bu kutilganidan ko‘proq vaqt talab qildi”, deya razvedka boshqarmasining so‘zlaridan iqtibos keltirgandi The Times nashri.
Izoh (0)