Donald Trampning saylovoldi shtabi vakillari AQSH hukumatiga uning xavfsizligini kuchaytirish talabi bilan murojaat qildi, deb yozadi The Washington Post.
Gazetaning yozishicha, shtab saylovoldi tashviqoti o‘tkaziladigan joylardagi parvozlar uchun cheklovlarni kuchaytirishni, uchrashuvlar o‘tadigan shtatlardagi miting maydonlarini o‘q o‘tkazmaydigan oynalar bilan jihozlashni va Tramp kortejini harbiy mashinalar kuzatib borishini talab qilgan. Shuningdek, harbiy samolyotlarning saylovoldi mitinglari o‘tkaziladigan joylar ustidan uchib o‘tishini ta’minlash ham so‘ralgan.
The Washington Post bu so'rovlarni misli ko'rilmagan deb ataydi, chunki saylovlarning butun tarixida hech bir nomzod harbiy aviatsiya yordamini so'ramagan.
So‘rovlar Tramp maslahatchilari Eron uni o‘ldirish rejalarini ishlab chiqishda davom etayotgani haqidagi razvedka maʼlumotlarini olganidan so‘ng shakllantirilgan, deb yozadi gazeta.
Tramp saylovoldi tashviqoti rasmiylari so‘nggi ikki hafta ichida Maxfiy xizmat bilan yozishmalarida Trampning xavfsizlik choralaridan norozi bo‘lib, uning saylovoldi tashviqotini rejalashtirishiga tahdidlar to‘sqinlik qilganini aytishdi. Sobiq prezident esa saylov oldidan so‘nggi haftalarda yana ko‘plab tadbirlar o‘tkazishi kutilmoqda.
Izoh (0)