Isroil armiyasi Erondan ehtimoliy hujumlarning oldini olish uchun Tel-Avivning Mudofaa vazirligi joylashgan Kiriya tumanida GPS signallarini o‘chirishni boshladi.
Isroilning Walla axborot saytiga ko‘ra, Isroil armiyasining GPS signallarini o‘chirishiga Eron bilan keskinlik kuchaygani sabab bo‘lgan.
Xabarda aytilishicha, Isroil qo‘mondonlari, shuningdek, Erondan ehtimoliy hujumlarga tayyorgarlik ko‘rish uchun bir qator uchrashuvlar o‘tkazgan. Ushbu tayyorgarlik doirasida armiya, Mudofaa vazirligining havo hujumidan mudofaa tizimlarini, strategik muhim obyektlarda moddiy-texnik ta’minot qo‘mondonligi va boshqaruv tizimlarini mustahkamlash rejalashtirilgan.
Shuningdek, AQSH Isroilning havo hujumidan mudofaa tizimini mustahkamlashga yordam berishi qayd etilgan. Materialda taʼkidlanishicha, Isroil Mudofaa vazirligi va armiyasi mamlakatning turli hududlarida ilg‘or texnologiyalardan foydalangan holda kuzatuv va ogohlantirish tizimlarini modernizatsiya qilish ustida ishlamoqda.
12-oktyabr kuni Isroil armiyasi uzoq masofali ballistik raketalarni tutib olish uchun mo‘ljallangan Amerikaning THAAD (High Altitude Missile Defence) raketaga qarshi mudofaa tizimini joylashtirganini e’lon qilgan edi.
Izoh (0)