Xitoy janubidagi Guychjou provinsiyasi sudi 17 nafar bolani o‘g‘irlab sotgan ayolni o‘lim jazosiga hukm qildi, deyiladi Xitoy Oliy xalq prokuraturasi saytida e’lon qilingan bayonotda.
“Guyyan shahar oraliq xalq sudi (Guychjou provinsiyasi maʼmuriy markazi) Yu Xuayingni bolalarni o‘g‘irlash va sotishda aybdor deb topdi. U barcha siyosiy huquqlardan mahrum qilingan holda, shaxsiy mulki musodara etildi va o‘limga hukm qilindi”, deyiladi xabarda.
Sinjinbao gazetasining yozishicha, Yu Xuaying sudda jabrlanuvchilarga loqayd bo‘lgan va qilmishidan pushaymonligini bildirmagan.
Nashrning qayd etishicha, 2023-yil sentyabrida Guiyang sudi Yu Xuayingni o‘limga hukm qilgan, biroq jinoyatning yangi qurbonlari aniqlangach, ish qayta ko‘rib chiqish uchun yuborilgan. Sud ayblanuvchi avval ma’lum qilinganidek 11 emas, 17 nafar bolani o‘g‘irlaganini aniqladi.
Nashrning yozishicha, Yu Xuaying sotgan birinchi odam o‘z farzandi bo‘lgan. 2004-yilda u bolalarni o‘g‘irlash va sotish uchun hibsga olingan edi, ammo o‘shanda dalillarning yetishmagani sababli u atigi 8 yilga ozodlikdan mahrum qilingan. Ozodlikka chiqqanidan keyin Yu Xuaying jinoiy faoliyatini davom ettirdi.
Izoh (0)