Hind kinolari rejissyori, prodyuseri va aktyori Amir Xon 30 yildan ortiq kinodagi faoliyati davomida o‘zini hind kinosining eng mashhur va nufuzli aktyorlaridan biri sifatida ko‘rsatdi. Tomoshabinlar uning ishtirokidagi filmlar chiqishini intiqlik bilan kutishgan. Uning barcha loyihalari bizga kerakli hayot saboqlarini beradi va ijobiy fazilatlarni o‘rgatadi. Faoliyatining boshidayoq Amir Xon o‘zining komediyadagi rollari bilan mashhur bo‘lib, muxlislar qalbidan hanuzgacha saqlanib qolgan. So‘nggi yillarda aktyor ko‘proq dramatik filmlarga e’tibor qaratdi. Bugun Amir Xonning komediya janridagi iste’dodi ajoyib tarzda namoyish etilgan filmlarni yodga olishga qaror qildik.
“Millionerning qiziga uylanmoqchiman” (1994)
Amar rolidagi Amir Xon va Prem obrazida Salmon Xon katta boylik va romantikani orzu qiladigan ikki ishyoqmas, ammo samimiy va kulgili yigitlar haqida hikoya qiladi. Amir Xon va Salmon Xon Hindistonga millionlab boylikka ega kelin kelayotgani haqidagi maqolani o‘qib qoladi. Ular millionerning qizi Raveena Bajaj (Ravina Tandon) va uning yordamchisi Karishma (Karishma Kapur) ni o‘ziga jalb qilishga harakat qiladi. Natijada kulgili tushunmovchiliklar va hazillarga to‘la voqealar sodir bo‘ladi.
Ehtiros (1997)
Ajoyib aktyorlar tarkibi va go‘zal musiqa sadolari tufayli film hali ham muxlislar qalbida saqlanib qolgan. Unda romantika, do‘stlik, xiyonat va qasos mavzulari ko‘tarilgan. Film 90-yillarda xit bo‘lgan eng mashhur loyihalardan biri bo‘lgan.
Unda to‘rt nafar do‘st — ikkita boy va ikkita kambag‘allar bir-birlarini yoqtirib qoladi. Turmush tarzidagi tengsizlik sababli badavlat oiladan bo‘lgan Devgan va kambag‘allar qizi Kajol hamda o‘ziga to‘q oilada o‘sgan Chavla ismli qiz va kambag‘al bola Xon ko‘plab to‘siqlarga uchraydilar. Kambag‘al odamlarni parazitlardan ham yomonroq deb hisoblaydigan ikki boyning otalari yoshlarning istaklariga qarshi chiqadi va farzandlarini sevganlaridan uzoqlashtirish uchun turli hiyla-nayrangdan foydalanadi. Ammo ular ish bermaydi va oxir-oqibat sevgi barchani yengadi.
“Uch savdoyi” (2009)
“Uch savdoyi” — o‘tish davri va ta’lim tizimiga bag‘ishlangan ajoyib satira. Muhandislik kollejining uch talabasi katta hayotda qanday natijalarga erishgani haqida hikoya qiladi. Aniqrog‘i ushbu kartinada hammasi ortga qarab sodir bo‘ladi. O‘tmishni to‘g‘ri tiklashdan oldin ikki do‘st uzoq vaqtdan buyon ko‘rinmay ketgan do‘stini topishga otlanadi.
2009-yilda namoyish qilingan mazkur film 2013-yilda “Tezlik-3” filmi namoyish etilguniga qadar barcha davrlardagi eng ko‘p daromad keltirgan hind filmi rekordini ushlab turdi. Shuningdek, u Xitoy va Yaponiya kabi Sharqiy Osiyo mamlakatlarida muvaffaqiyat qozongan hind filmlaridan biridir.
“Uch savdoyi” oltita Filmfare Awards, shu jumladan, uchta “Milliy film”, “Eng yaxshi mashhur film” kabi mukofotlarga sazovor bo‘lgan. Xorijda esa Yaponiyada bo‘lib o‘tgan Videoyasan Awards tanlovining bosh sovriniga ega bo‘lgan. Film remeyki hattoki Meksikada ham suratga olingan.
“Pikey” (2014)
Pikey maxsus topshiriq bilan Yerga kelgan o‘zga sayyoralik haqidagi filmdir. U inson tabiatini tushunishi va mahalliy hayot qanday bo‘lishini o‘rganishga harakat qiladi. U duch keladigan birinchi muammo — uning boshqaruv paneli o‘g‘irlanishi bo‘lib, panelsiz Pikey uyiga qaytolmaydi. Endi u nafaqat o‘ziga yuklangan vazifani bajarishga, balki qurilmani topishga ham majbur bo‘ladi.
Pikey o‘zining g‘ayritabiiy xatti-harakatlari bilan boshqalarni hayratda qoldiradi, noqulay savollari esa odamlarni hayotlariga va ular yashayotgan dunyoga boshqacha qarashga majbur qiladi.
Fantastik komediya Hindistondagi eng yuqori daromad keltirgan filmlardan biriga aylandi, uning dunyo bo‘ylab daromadi 112 million dollardan oshadi.
“Laal Singh Chadha” (2022)
Xonning o‘zi 1994-yilda “Oskar” mukofotiga sazovor bo‘lgan “Forrest Gamp” filmining rasmiy hindcha remeyki — “Laal Singh Chadha” filmida Amir Xon navbatdagi rol uchun soch va soqolini o‘stirdi va qiyofasini butunlay o‘zgartirdi. Rolni his qilish va tomoshabinlarni yana bir bor hayron qoldirish uchun Amir Xon ushbu personaj hayotiga kirib ketdi.
“Laal Singh Chaddha” filmiga Advait Chandan rejissorlik qilgan. Filmda Amir Xon o‘zining “Uch savdoyi” filmidagi partnyorlari Karina Kapur va Mona Singh bilan ishtirok etdi. Shuningdek, loyihada Nagarjunaning o‘g‘li Naga Chaytana Bollivuddagi debyuti ijro etdi. Film prokatda Akshay Kumarning “RakshaBandxan” filmi bilan raqobatlashadi. Kartina 2022-yil 11-avgustda namoyish etilgan.
Izoh (0)