Yerevan Bokuni tinchlik shartnomasini imzolashga taklif qilmoqda, deya Qozonda BRIKS+/autrich formatidagi BRIKS sammitining yakuniy yig‘ilishida Armaniston bosh vaziri Nikol Pashinyan ma’lum qildi.
“Kelishuv loyihasi bugungi kunda kelishilgan mazmunda Armaniston va Ozarbayjon o‘rtasida tinchlik o‘rnatish uchun mustahkam poydevor yaratish va munosabatlarni normallashtirish uchun zarur bo‘lgan barcha fundamental masalalarni shakllantiradi, ko‘rib chiqadi va hal qiladi. Biz Ozarbayjonni ushbu shartnomani imzolashga taklif qilamiz”, dedi Pashinyan.
Avvalroq Armaniston Ozarbayjon bilan tinchlik shartnomasini tuzish uchun Konstitutsiyani o‘zgartirishga tayyor ekanini ma’lum qilgandi.
Uning so‘zlariga ko‘ra, agar Armaniston va Ozarbayjon o‘rtasida tinchlik shartnomasi tuzilsa, bu hujjat mamlakat Asosiy qonuniga muvofiqligini tekshirish uchun Armaniston Konstitutsiyaviy sudiga (KS) yuboriladi.
“Agar Konstitutsiyaviy sudimiz kelishuv Armaniston Konstitutsiyasiga zid deb qaror qilsa, shunga qaramay, bu holatda biz tinchlik o‘rnatish uchun konstitutsiyaviy o‘zgarishlar zarur bo‘lgan aniq vaziyatga duch kelamiz. Agar Konstitutsiyaviy sud shartnomani Konstitutsiyaga muvofiq deb topsa, hujjatni ratifikatsiya qilishda hech qanday to‘siq bo‘lmaydi”, deb tushuntirdi Pashinyan.
Izoh (0)