Armaniston bosh vaziri Nikol Pashinyan mamlakatda sudlangan Ozarbayjon fuqarolarini arman asirlariga almashtirishni taklif qildi. Uning qo‘shimcha qilishicha, Armaniston rasmiylari bu borada xalqaro huquqiy organlarga murojaat qilmoqda.
“Aytishim kerakki, biz bu masalada moslashuvchanlikni namoyon etishga va mahbuslarimiz qaytishi uchun Ozarbayjon bilan hamkorlik qilishga tayyor ekanimizni bildirdik”, — dedi Pashinyan.
Bosh vazir Armaniston “hamma uchun” tamoyili asosida ikki davlat asirlarini almashishga tayyorligi haqida allaqachon gapirganini eslatdi. Uning so‘zlariga ko‘ra, gumanitar masalalardan siyosiy maqsadlarda foydalanilmoqda, bu “mantiqan to‘g‘ri emas”.
Avvalroq Nikol Pashinyan 18 noyabr kuni muzokaralar va mahbuslarni almashishga tayyorligi haqida gapirgan edi. Keyin u Armaniston va Ozarbayjon “hali ham turli diplomatik tillarda gaplashishini” aytdi. Siyosatchining ta‘kidlashicha, tomonlar ko‘pincha bir-birini tushunmaydi va buning obyektiv tarixiy sabablari bor. 21-noyabr kuni Ozarbayjon ham muzokaralarga tayyorligini ma’lum qilgandi.
2020-yil 9-noyabrda Armaniston va Ozarbayjon Tog‘li Qorabog‘dagi mojaroni hal qilish bo‘yicha kelishuv imzoladi. Boshqa narsalar qatori, tomonlar mahbuslar va o‘lganlarning jasadlarini almashishga va‘da berishdi.
Izoh (0)