Pashinyan KXSHTni xavfsizlik va suverenitetga tahdid deb atadi

Armaniston bosh vaziri Nikol Pashinyan uning mamlakati Kollektiv xavfsizlik shartnomasi tashkiloti (KXSHT) bilan munosabatlarda “qaytmaslik nuqtasi”ga yaqin ekanini aytdi. Bu haqda “Kommersant” xabar berdi.

Pashinyanning so‘zlariga ko‘ra, Yerevan tashkilotdagi ishtirokini muzlatgan, chunki bu tuzilma respublika suverenitetiga tahdid solgan. 

Biz KXSHTdagi a’zoligimizni to‘xtatib qo‘ydik, nafaqat u Armaniston xavfsizligini ta’minlash bo‘yicha o‘z majburiyatlarini bajarmayotgani uchun, balki KXSHT Armanistonning xavfsizligiga, uning kelajakdagi mavjudligiga, suverenitetiga va davlatchiligiga tahdid tug‘dirayotgani sababli ham, dedi Nikol Pashinyan.

Shuningdek, u Armaniston Rossiya va Yevrosiyo iqtisodiy ittifoqi (YII) bilan iqtisodiy aloqalarni uzmoqchi emasligi, ammo u bilan tovar aylanmasini oshirishini ta’kidladi.

Agar respublika hukumati Yevropa Ittifoqiga a’zo bo‘lish uchun qulay paytni ko‘rsa, uni qo‘ldan boy bermaydi, deb ishontirdi u.