Armaniston va Ozarbayjon prezidentlarining Myunxendagi uchrashuvidan ikki hafta o‘tib Germaniyada ikki davlat o‘rtasida muzokaralar boshlandi. Bu haqda Deutsche Welle xabar berdi.
28-fevral, chorshanba kuni Berbok Tog‘li Qorabog‘ bo‘yicha o‘nlab yillar davom etgan mojaroni hal qilish bo‘yicha sa’y-harakatlar doirasida ikki davlat tashqi ishlar vazirlari Ararat Mirzoyan va Jeyhun Bayramovni qabul qilgan.
“Endi mintaqada mustahkam tinchlik o‘rnatish imkoniyati bor. Har ikki tomon allaqachon o‘tmishni orqada qoldirish uchun dadil qadamlar tashlagan. Sizlarni ushbu maqsadga erishishda ko‘rsatayotgan jasoratingiz uchun olqishlayman” — dedi Berbok arman va ozarbayjonlik hamkasblariga.
Berbok Berlin muzokaralarda taraqqiyot uchun mos platforma taklif qilmoqchiligini taʼkidlagan. U Germaniya Armaniston va Ozarbayjon o‘rtasidagi hal etilmagan masalalar tinch yo‘l bilan va kuch ishlatmasdan hal etishni taʼminlash uchun harakat qilayotganini ta’kidlagan.
Berlindagi tinchlik muzokaralari bo‘yicha kelishuv Shols, Pashinyan va Aliyevning fevral oyi o‘rtalarida Myunxen xavfsizlik konferensiyasida bo‘lib o‘tgan uchrashuvida erishilgan edi. Uning natijalariga ko‘ra, Shols Yerevan va Boku o‘zaro kelishmovchiliklarni zo‘ravonlik ishlatmasdan hal qilishga tayyor ekanini aytgan.
Izoh (0)