Toshkent shahrining Chilonzor tumanida ikki kishining o‘limi bilan yakunlangan YTH yuz berdi.
Poytaxt YHXB matbuot xizmatining ma’lum qilishicha, voqea 22-oktyabr kuni soat 06:20 larda Bunyodkor shoh ko‘chasida sodir bo‘lgan. 1985-yilda tug‘ilgan S.K. Lacetti avtomashinasini boshqarib kelayotib yo‘lning belgilanmagan joyidan kesib o‘tayotgan ikki nafar piyoda — 1953-yilda tug‘ilgan S.K. va 1960-yilda tug‘ilgan K.S.ni urib yuborgan va boshqaruvni yo‘qotib, yo‘l chetidagi daraxtga borib urilgan.
Oqibatda haydovchi va piyodalardan biri olgan tan jarohatlari natijasida voqea joyida vafot etgan. Yana bir piyoda 1960-yilda tug‘ilgan K.S. shifoxonaga olib ketilgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 3-qismi (transport vositalari harakati yoki ulardan foydalanish xavfsizligi qoidalarini buzish odamlar o‘limiga sabab bo‘lishi) bilan jinoyat ishi qo‘zg‘atilgan. Tergov davom etmoqda.
Izoh (0)