Toshkent shahri Chilonzor tumani Muqimiy-Chilonzor ko‘chalari chorrahasida 19-oktyabr kuni soat 00:30 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.
Maʼlum qilinishicha, haydovchi 2001-yilda tug‘ilgan A.J. boshqaruvida bo‘lgan Nexia-3 avtomashinasi va haydovchi 1998-yilda tug‘ilgan A.K. boshqaruvida bo‘lgan Spark avtomashinasi to‘qnashgan.
Hodisa oqibatida Nexia-3 haydovchisi va yo‘lovchisi 2001-yilda tug‘ilgan T.B. hamda Spark haydovchisiga birinchi yordam ko‘rsatish maqsadida shifoxonaga olib ketilgan.
Mazkur holat yuzasidan Toshkent shahar IIBB YHXB maʼsul xodimlari tomonidan surishtiruv ishlari olib borilmoqda.
18-oktyabr kuni Toshkentning Bektemir tumanida sodir bo‘lgan YTH oqibatida haydovchi va yo‘lovchi jarohatlangani haqida xabar berilgandi.
Izoh (0)