Toshkent shahar Chilonzor tumanida Cobalt va Changan to‘qnashuvi oqibatida YTH sodir bo‘ldi. Bu haqda YHXB xabar berdi.
Ma’lum qilinishicha, hodisa 3-oktyabr kuni soat 19:40 larda Chilonzor tumani Do‘mbirobod ko‘chasi 128-uy qarshisida sodir bo‘lgan. 2000-yilda tug‘ilgan Z.N. boshqaruvida bo‘lgan Changan rusumli transport vositasi va 1994-yilda tug‘ilgan A.A. boshqaruvida bo‘lgan Cobalt to‘qnashgan.
YTH natijasida tan jarohat olgan Cobalt va Changan haydovchilariga birinchi yordam ko‘rsatish maqsadida shifoxonaga olib ketilgan. Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Avvalroq Qashqadaryoda ikki avtomobil to‘qnashuvidan to‘rt kishi vafot etgani haqida xabar berilgandi.
Shuningdek, Samarqandda sodir bo‘lgan YTH oqibatida haydovchi vafot etgandi.
Izoh (0)