Futbol bo‘yicha O‘zbekiston terma jamoasi JCH—2026 saralashi doirasida Eron bilan durang o‘ynadi, BAA bilan esa 15-oktyabr kuni to‘qnash keladi.
Uchrashuv oldidan terma jamoa futbolchisi Rustamjon Ashurmatov o‘z fikrlarini bildirib o‘tdi.
O‘yin yaxshi o‘tdik, muhimi birinchi o‘rinda qoldik. To‘g‘ri, g‘alaba qozona olmadik. Bu — futbol. Ochko yo‘qotganimiz bilan, eng yaqin raqibimiz ham ochko yo‘qotdi. Xafamiz deya olmayman, lekin xursand ham emasmiz.
Keyingi o‘yinda maydonga tusha olmayman. Bu jarohat tufayli emas, sariq kartochkalar tufayli. Jarohatning ta’siri yo‘q, bu bilan oldin ham o‘ynaganmiz.
Bosh murabbiy o‘z nomi bilan bosh murabbiy, har qanaqa holatda yonimizda bo‘lsa, bizda ishonch ko‘proq bo‘lishi mumkin edi. Harakat qildik, murabbiyimiz yo‘qligini bildirmaslikka.
Har bir jamoani hurmat qilamiz, lekin maydonga jamoa g‘alaba uchun tushadi. Eron bilan durang o‘ynadik, BAAni esa yutishga majburmiz.
Rustamjon Ashurmatov, O‘zbekiston terma jamoasi futbolchisi
Ashurmatov sariq kartochkalari soni 2 taga yetgani bois BAA bilan o‘yinda qatnasha olmaydi. Uning o‘rnini esa “Paxtakor” yarim himoyachisi Diyor Xolmatov egalladi.
Eslatib o‘tamiz, BAAga qarshi o‘yin 15-oktyabr kuni 19:00 da start oladi.
Izoh (0)