Футбол бўйича Ўзбекистон терма жамоаси ЖЧ—2026 саралаши доирасида Эрон билан дуранг ўйнади, БАА билан эса 15 октябрь куни тўқнаш келади.
Учрашув олдидан терма жамоа футболчиси Рустамжон Ашурматов ўз фикрларини билдириб ўтди.
Ўйин яхши ўтдик, муҳими биринчи ўринда қолдик. Тўғри, ғалаба қозона олмадик. Бу — футбол. Очко йўқотганимиз билан, энг яқин рақибимиз ҳам очко йўқотди. Хафамиз дея олмайман, лекин хурсанд ҳам эмасмиз.
Кейинги ўйинда майдонга туша олмайман. Бу жароҳат туфайли эмас, сариқ карточкалар туфайли. Жароҳатнинг таъсири йўқ, бу билан олдин ҳам ўйнаганмиз.
Бош мураббий ўз номи билан бош мураббий, ҳар қанақа ҳолатда ёнимизда бўлса, бизда ишонч кўпроқ бўлиши мумкин эди. Ҳаракат қилдик, мураббийимиз йўқлигини билдирмасликка.
Ҳар бир жамоани ҳурмат қиламиз, лекин майдонга жамоа ғалаба учун тушади. Эрон билан дуранг ўйнадик, БААни эса ютишга мажбурмиз.
Рустамжон Ашурматов, Ўзбекистон терма жамоаси футболчиси
Ашурматов сариқ карточкалари сони 2 тага етгани боис БАА билан ўйинда қатнаша олмайди. Унинг ўрнини эса “Пахтакор” ярим ҳимоячиси Диёр Холматов эгаллади.
Эслатиб ўтамиз, БААга қарши ўйин 15 октябрь куни 19:00 да старт олади.
Изоҳ (0)