O‘zbekiston milliy jamoasi yarim himoyachisi Abbosbek Fayzullayev Rossiya chempionatida 11-turning ramziy jamoasiga kiritildi.
“Match TV” nashri e’lon qilgan futbolchilar orasida “SSKA” klubidan ikki futbolchi mavjud. Ramziy jamoadan o‘rin olgan Oblyakov va Abbosbek Fayzullayev “Dinamo”ga qarshi o‘yinda asosiy tarkibda maydonga tushdi.
“SSKA” 2:1 hisobida “Dinamo” ustidan g‘alaba qozongan o‘yinda Abbosbek 16-daqiqada jarima maydoni tashqarisidan zarba berib hisobni ochgan edi.
RPLning yangi mavsumida Abbosbek 9 uchrashuvda maydonga tushdi va 2 ta gol urib, 4 ta vaziyatda gollarga hammualliflik qildi.
Izoh (0)