RPL. “SSKA” “Rubin” bilan durang o‘ynadi. Abbosbek Fayzullayevdan assist

Futbol bo‘yicha Rossiya Premyer Ligasining 9-tur uchrashuvi bo‘lib o‘tdi. Unda Qozon shahrining “Rubin” jamoasi “SSKA” klubini qabul qildi.

Uchrashuvni asosiy tarkibda boshlagan Abbosbek Fayzullayev 15-daqiqada chap qanotdan jamoadoshiga ajoyib pas berdi. Jarima maydoni ichida to‘pni qabul qilib olgan Jemalitdinov hisobni ochdi.

Ikkinchi bo‘limning 55-daqiqasida mezbonlar hisobni tenglashtirdi. Ushbu golga Teslenko mualliflik qildi. Ushbu hisob o‘yin yakunigacha saqlanib qoldi va jamoalar bir ochkodan bo‘lishib oldi.

“Rubin” safida harakatlanayotgan Rustam Ashurmatov asosiy tarkibda maydonga tushdi va 58-daqiqada zaxiraga olindi. Umarali Rahmonaliyev esa o‘yinda ishtirok etmadi. 

RPL

9-tur

21-sentyabr, shanba

“Rubin” — “SSKA” 1:1

Gollar: 0:1—Jemaletdinov (15), 1:1—Teslenko (55).

“Rubin”: Staver, Gritsayenko, Ashurmatov (Nijegorodov, 58), Teslenko, Rojkov, Kabutov, Ivu, Xoja (Ivanov, 71), Vada (Zotov, 46), Chuni, Daku.

“SSKA”: Akinfeyev, Krugovoy, Moyzes, Villian, Diveyev, Helven (Guarirapa, 66), Jemaletdinov, Kislyak, Oblyakov, Fayzullayev, Musayev (Gayich, 66).

Ogohlantirishlar: Gritsayenko (24), Diveyev (61).