Futbol bo‘yicha Rossiya chempionatining 11-turidan o‘rin olgan uchrashuv bo‘lib o‘tdi. “SSKA” klubi 6-oktyabr, yakshanba kuni “Dinamo” bilan bahs olib bordi va so‘nggi daqiqalarda g‘alabani qo‘lga kiritdi.
Uchrashuvning 17-daqiqasida hisobni o‘zbekistonlik hujumkor yarim himoyachi Abbosbek Fayzullayev ochdi. 55-daqiqada Karraskal hisobni tenglashtirdi. Uchrashuvning so‘nggi daqiqalarida Abbosbekning o‘rniga maydonga tushgan Musayev g‘alaba to’pini kiritdi. O‘zbekistonlik futbolchi uchrashuvda 75 daqiqa harakat qildi.
Ushbu g‘alabadan so‘ng “SSKA” ochkolarini 20 taga yetkazib, to‘plar nisbatiga ko‘ra “Dinamo”ni (20, 5-o‘rin) ortda qoldirgan holda 4-o‘ringa ko‘tarildi.
RPL
11-tur
6-oktyabr, yakshanba
“Dinamo” — “SSKA” 1:2
Gollar: 1:0 — Fayzullayev (17), 1:1 — Karraskal (55), 1:2 — Musayev (89).
“Dinamo”: Lunev, Skopinsev (Marichal, 46), Fernandes, Balbuena, Dasa (Kutiskiy, 64), Laksalt, Artur (Fomin, 46), Bitello, Karraskal (Mauhub , 74), Ngamale, Tyukavin.
“SSKA”: Akinfeyev, Moyzes, Villian, Diveyev, Krugovoy (Gayich, 75), Kislyak (Bistrovich, 79), Xelven, Zdelar, Fayzullayev (Musayev, 75), Guarirapa, Oblyakov (Pyanich, 75).
Ogohlantirishlar: Ngamale (62), Kislyak (73), Musayev (89).
Izoh (0)