Futbol bo‘yicha O‘zbekiston terma jamoasi JCH—2026 saralashi doirasida 26-mart, seshanba kuni Gongkongga qarshi bahs olib bordi.
Uchrashuvning birinchi bo‘limida o‘zbekistonliklar hisobni ochdi. 20-daqiqada Abbosbek Fayzullayevning ajoyib uzatmasidan so‘ng, Eldor Shomurodov darvozani ishg‘ol qildi.
Shundan so‘ng ham O‘zbekiston bir nechta xavfli vaziyatlarni yuzaga keltirdi. Biroq, hisob o‘zgarmadi.
Ikkinchi bo‘limda esa Hojimat Erkinov hisobni ishonchli ko‘rinishga olib keldi. 64-daqiqada Erkinov uzoqdan zarba berib, darvozani aniq nishonga oldi.
Oradan 6 daqiqa o‘tib, Oston O‘runov darvozabon bilan birga-bir vaziyatga chiqib, hisobni yiriklashtirdi.
Qolgan daqiqalarda darvozalar ishg‘ol etilmadi va uchrashuv 3:0 hisobida O‘zbekistonning g‘alabasi bilan yakunlandi.
Ushbu muvaffaqiyatdan so‘ng terma jamoa E guruhida ochkolari sonini 10 taga yetkazib oldi.
JCH—2026 saralashi
26-mart, seshanba
O‘zbekiston – Gongkong 3:0
Gol: 1:0 — 20 Shomurodov, 2:0 — 64 Erkinov, 3:0 — 70 O‘runov.
O‘zbekiston: 1. O‘tkir Yusupov, 2. Abduqodir Husanov, 4. Farrux Sayfiyev, 7. Otabek Shukurov, 9. Odiljon Hamrobekov (6. Xolmatov, 90+1), 10. Jaloliddin Masharipov, 14. Eldor Shomurodov (11.Oston O‘runov, 46), 15. Umar Eshmurodov, 19. Azizbek Turg‘unboyev, 22. Abbosbek Fayzullayev (20. Hojimat Erkinov, 57), 23. Husniddin Aliqulov.
Gonkong: 1. Yapp Xung Fai, 2. Oliver Benjamin Gerbig, 6. Vu Chung Ming, 8. Tan Chun Lok, 13. Li Ngai Hoi, 14. Pun Pui Hin, 16. Chan Siu Kvan Filip (9. Matt Orr, 62), 20. Maykl Udebuluzor, 21. Yu Tze Nam, 22. Soaresh Junior Valter, 23. Sun Ming Him.
Ogohlantirish: Jaloliddin Masharipov (68).
Izoh (0)