Futbol bo‘yicha O‘zbekiston terma jamoasi JCH—2026 3-saralashi 2-turida Qirg‘izistonga qarshi bahs olib bordi.
![](/static/2024/09/10/photo_2024-09-10_19-20-53-02l1FJM9.jpg)
Uchrashuvning 15-daqiqasida “Dinamo” klubi futbolchisi Kojo gol urib mezbonlarni hisobda oldinga olib chiqdi. 2 daqiqa o‘tib Eldor Shomurodov tezkor gol bilan javob berdi.
35-daqiqada Odiljon Abdurahmonov O‘zbekiston himoyasida yuzaga kelgan xato sabab darvozaga zarba yo‘lladi. Kuchsiz bo‘lgan zarba oxir oqibatda Yusupov darvozasidan joy oldi—2:1.
Birinchi bo‘lim oxirida Husniddin Aliqulov bosh bilan ajoyib zarba yo‘llab hisobni tenglashtirdi. Birinchi bo‘lim 2:2 hisobida yakunlandi.
Ikkinchi bo‘lim teng kurashlar ostida boshlandi. 72-daqiqada qanotda to‘pni egallab olgan Oston O‘runov ajoyib harakatlar bilan hisobni 2:3 ko‘rinishiga olib keldi.
JCH—2026 saralashi
10-sentyabr, seshanba
Qirg‘iziston — O‘zbekiston 2:3
Gollar: 1:0 — Kojo (15), 1:1 — Eldor Shomurodov (17), 2:1 — Odiljon Abdurahmonov (35), 2:2 — Husniddin Aliqulov (45), 2:3— Oston O‘runov (72).
Qirg‘iziston: 1. Erjan Tokotayev, 2. Valeriy Kichin, 3. Tamirlan Kozubayev, 6. Kristian Brauzman, 7. Joel Kojo (9. Ernist Batirkanov, 78), 12. Odiljon Abdurahmonov, 14. Aleksandr Mishenko, 17. Eldiar Zaripbekov, 18. Kairat Jgalbek Uulu (10. Guljigit Alikulov, 60), 19. Ermek Kenjebayev (15. Suiuntbek Mamaraliyev, 78) 22. Alimardon Shukurov.
O‘zbekiston: 1.O‘tkir Yusupov, 3.Hojiakbar Alijonov (19. Aziz Turg‘unboyev, 62), 5.Rustam Ashurmatov (Abdulla Abdullayev, 62), 7.Otabek Shukurov, 9.Odil Hamrobekov, 10.Jaloliddin Masharipov (22. Abbosbek Fayzullayev, 75) 11.Oston O‘runov (Hojimat Erkinov, 89), 13.Sherzod Nasrullayev, 14.Eldor Shomurodov, 15.Umar Eshmurodov, 23.Husniddin Aliqulov.
Izoh (0)