Ijtimoiy himoya milliy agentligi ko‘magi bilan Rossiyada og‘ir ijtimoiy vaziyatga tushib qolgan 8 oylik go‘dak ota-onasi bag‘riga qaytarildi.
Maʼlum qilinishicha, bola 5 oylik davrida ota-onasi hujjatlarining muddati tugagani sabab, bolasini kasalxonada qoldirib, O‘zbekistonga qaytishga majbur bo‘lgan. Qaytganidan so‘ng ota-ona Buxoro shahar “Inson” ijtimoiy xizmatlar markaziga murojaaat qildi.
Hozirda “Inson” markazi masʼullari tomonidan oiladagi bir qator muammolarni ijobiy hal etish maqsadida Keys ochilgan bo‘lib, keys-menejment asosida ularga bir qator ijtimoiy xizmat va yordamlar ko‘rsatiladi. Bola esa doimiy shifokorlar nazoratidadir.
Bundan avval Turkiyaning Istanbul shahrida o‘z qizi tomonidan qiyin ahvolda qoldirilgan ayol va uning o‘g‘li O‘zbekistonga qaytarilgan edi. Shuningdek, Istanbulda pulsiz va hujjatsiz qiyin ahvolda qolgan o‘zbekistonlik erkak vatanga qaytarilgan.
Izoh (0)