Rossiyaning Svobodniy shahrida yiqilib, ustiga futbol darvozasi tushib ketgan o‘zbekistonlik erkak vatanga qaytarildi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, jizzaxlik E.I. Amur viloyatining Svobodniy shahriga 2022-yilning sentabr oyida qurilish sohasida ishlash maqsadida boradi. Ishdan tashqari paytda yiqilib, ustiga futbol darvozasi tushib ketadi. Og‘ir tan jarohati olgan E.I. zudlik bilan shifoxonaga yotqiziladi. Maʼlum bo‘lishicha, fuqaroning umurtqa pog‘onasi va orqa miyasi jarohatlangan.
Tashqi mehnat migratsiyasi agentligining Amur o‘lkasidagi vakili bemorning holidan xabar olib, shifokorlar bilan doimiy aloqada bo‘lib turdi. Uning ahvoli biroz yaxshilangach, Xabarovsk-Toshkent yo‘nalishiga aviachipta olib berilib, vatanga qaytarildi.
Izoh (0)