Ижтимоий ҳимоя миллий агентлиги кўмаги билан Россияда оғир ижтимоий вазиятга тушиб қолган 8 ойлик гўдак ота-онаси бағрига қайтарилди.
Маълум қилинишича, бола 5 ойлик даврида ота-онаси ҳужжатларининг муддати тугагани сабаб, боласини касалхонада қолдириб, Ўзбекистонга қайтишга мажбур бўлган. Қайтганидан сўнг ота-она Бухоро шаҳар “Инсон” ижтимоий хизматлар марказига мурожааат қилди.
Ҳозирда “Инсон” маркази масъуллари томонидан оиладаги бир қатор муаммоларни ижобий ҳал этиш мақсадида Кейс очилган бўлиб, кейс-менежмент асосида уларга бир қатор ижтимоий хизмат ва ёрдамлар кўрсатилади. Бола эса доимий шифокорлар назоратидадир.
Бундан аввал Туркиянинг Истанбул шаҳрида ўз қизи томонидан қийин аҳволда қолдирилган аёл ва унинг ўғли Ўзбекистонга қайтарилган эди. Шунингдек, Истанбулда пулсиз ва ҳужжатсиз қийин аҳволда қолган ўзбекистонлик эркак ватанга қайтарилган.
Изоҳ (0)