O‘zbekistonda Ijtimoiy himoya yagona reestriga kiritilgan jismoniy shaxslarga 3,6 mlrd so‘mdan ortiq QQS qaytarildi. Bu haqda Davlat soliq qo‘mitasi xabar berdi.
Ijtimoiy himoya yagona reyestriga kiritilgan jismoniy shaxslarga chakana savdo obyektlaridan 5 turdagi mahsulotlarni (qo‘y go‘shti, parranda go‘shti, mol go‘shti, tuxum hamda o‘simlik yog‘i) sotib olganda xarid summasidan 1 foiz miqdordagi keshbek o‘rniga, 12 foiz QQS (ijtimoiy keshbek) summasini qaytarib olish 2023-yil 1-maydan joriy etilgandi.
Qayd etilishicha, ayni paytgacha 84 714 nafar iste’molchiga 3 milliard 652 million so‘mdan ortiq ijtimoiy keshbek to‘lab berildi.
Xususan:
- may oyi uchun 22 159 nafar fuqaroga 1,1 milliard so‘m;
- iyun oyi uchun 30 613 nafar fuqaroga 1,3 milliard so‘m;
- iyul oyi uchun 31 942 nafar fuqaroga 1,2 milliard so‘m.
Avgust oyi cheklari uchun keshbek sentabr oyining 25-sanasidan so‘ng tasdiqlanadi. Keshbek olish uchun Soliq mobil ilovasida xarid chekining QR-kodini skaner qilish lozim.
Izoh (0)