Krishtianu Ronaldu va Jorjina Rodriges ajrashgan taqdirda mol-mulk qanday taqsimlanishi borasida shartnoma shartlari ma’lum bo‘ldi.
TV Guia kelishuv tafsilotlarini e’lon qildi. Qayd etilishicha, hujjat 2017-yilda, Jorjina ularning katta qizi Alana Martinaga homilador bo‘lganida imzolangan. Hujjatni tayyorlash uchun Ronalduning agenti Xorxe Mendesh mas’ul bo'lgan.
Hujjatga ko‘ra, Ronaldudan ajralgan taqdirda Krishtianuning Madriddagi qasri Jorjina mulkiga aylanadi. Bundan tashqari, portugaliyalik futbolchi unga umrbod oyiga 100 ming yevro to‘lab beradi.
Shuningdek, shartnoma shartlari o‘tgan yilning iyun oyida yangi tug‘ilgan egizaklardan biri vafot etganidan keyin o‘zgartirilgani qayd etilgan.
Avvalroq Portugaliyalik hujumchi Jorjina Rodriges bilan birgalikda Dubaydagi Jumeirah Bay’dan 25 million yevro evaziga yer sotib olgani ma’lum bo‘lgandi.
Izoh (0)