Portugaliyalik futbolchi Krishtianu Ronaldu Yevropa Chempionatidagi ishtirok bo‘yicha rekordchiga aylanadi.
Portugaliya terma jamoasi Yevro—2024 uchun yakuniy qaydnomani e’lon qildi. Krishtianu tarkibdan joy oldi. Germaniyada bo‘lib o‘tadigan turnir 39 yoshli futbolchi uchun faoliyatidagi oltinchisi bo‘ladi.
Ronaldu 6-Yevropa Chempionatida ishtirok etadi va bu borada birinchi o‘ringa ko‘tarilib oladi. Ispaniya terma jamoasi sobiq darvozaboni Iker Kasilyas hisobida 5 ta Yevropa Chempionati bor.
Ronaldu ilk bor 2004-yilda musobaqada ishtirok etgan. O‘shanda Portugaliya bilan birga finalga chiqqan. Biroq hal qiluvchi o‘yinda Gretsiyaga mag‘lub bo‘lgan.
2016-yilgi turnirda esa g‘oliblikni qo‘lga kiritgan. Finalda Portugaliya terma jamoasi Fransiyadan ustun kelgan.
Izoh (0)