BBC Portugaliya terma jamoasi hujumchisi Krishtianu Ronaldu bilan bog‘liq mojaro yuzasidan bayonot berdi.
Eslatib o'tamiz, BBC telekanali Yevro—2024 doirasidagi Sloveniya bilan o‘yinda (0:0, penaltilar seriyasida 3:0) Ronaldu penalti tepa olmagan onda ustidan kulgan edi. 105-daqiqada Ronaldu penaltini golga aylantira olmadi. Hujumchi tepgan to‘pni sloveniyalik darvozabon Yan Oblak qaytardi. BBC jonli efir paytida Ronalduning familiyasi o‘rniga Misstiano Penaldo ( penalti tepa olmagan Ronaldu) deb yozdi.
“Bu shunchaki so‘z o‘yini edi, biz buni tahliliy jadvallarda ko‘p marta qilganmiz. Hech qanday haqorat yo‘q. Biz Ronaldu haqida ko‘p ijobiy gapiramiz, jumladan, Joze Fonte Ronalduning o‘yin oldidan mashg‘ulotlarga bo‘lgan mehrini e’tirof etib, shuning uchun u tarixdagi eng yaxshilaridan biri ekanini aytgan. Tanaffusda Gari Lineker va Alan Shirer Ronalduning harakatlarini uzoq tahlil qilib, uni “mutlaqo fantastik” deb atadi. Penaltilar seriyasidan so‘ng Gari Lineker va Alan Shirer Ronalduning jasorati va birinchi zarbaga ishonchini maqtadi.
Mutaxassislar hech qachon Ronalduni haddan tashqari tanqid qilmagan va umuman dastur kontekstida unga nisbatan ohang doimiy ravishda hurmat bilan qaralgan. Biroq, biz ba’zi tomoshabinlar grafikadan norozi bo‘lganini inobatga olgan holda, o‘z ustimizda ishlash uchun ham tanqidlarni ishchi guruhga yetkazganmiz”, — deyiladi BBC Dailymail bayonotida.
Ma’lumot uchun, Sloveniya bilan o‘yinda Portugaliya terma jamoasi g‘alaba qozonib, chorak finaliga chiqdi va yarim final uchun bahsda Fransiyaga penaltilar seriyasida mag‘lub bo‘ldi.
Izoh (0)