“Barselona” bosh murabbiyi Xans-Diter Flik o‘z jamoasi hujumchisi Robert Levandovskining o‘yini haqida gapirib, uni so‘nggi o‘n yillikdagi o‘z pozitsiyasida eng yaxshi futbolchi deb atadi.
“Robert Levandovski so‘nggi 10 yil ichida dunyoning eng yaxshi markaziy hujumchisi hisoblanadi. Uning vazifasi oldinda o‘ynash va gol urish. U esa buni yaxshi uddalaydi, — deya murabbiyning so‘zlarini keltiradi jurnalist va insayder Fabritsio Romano X ijtimoiy tarmog‘idagi sahifasida.
Joriy mavsumda 36 yoshli Levandovski barcha musobaqalarda sakkizta o‘yinda qatnashib, yetti gol va ikkita golli uzatmani amalga oshirdi. Futbolchining klub bilan amaldagi mehnat shartnomasi 2026-yilning yoziga qadar tuzilgan. Transfermarkt portalida berilgan ma’lumotlarga ko'ra, futbolchining bozor qiymati 15 million yevroni tashkil qiladi.
“Barselona” klubi kecha, 25-sentyabr kuni “Xetafe” klubiga qarshi uchrashuvda maydonga tushdi va 1:0 hisobida g‘alaba qozondi. Uchrashuvdag yagona golni polshalik Levandovski kiritdi.
Izoh (0)