Futbol bo‘yicha Ispaniya chempionatining 14-turidan o‘rin olgan qator uchrashuvlar 8-noyabr, seshanba kuni bo‘lib o‘tdi.
“Barselona” mazkur turda “Osasuna” maydoniga safar qildi. Uchrashuvning 6-daqiqasida maydon egalari David Garsiyaning golidan keyin oldinga chiqib oldi.
31-daqiqaga kelib katalonlar bir o‘yinchi kam bo‘lib qoldi: Robert Levandovski ikkinchi sariq kartochkasini olib, maydonni tark etdi. Bo‘lim oxirida esa zaxiradagi Xererd Pikega qizil kartochka ko‘rsatildi.
Ikkinchi bo‘lim debyutida Pedri muvozanatni tikladi. 85-daqiqada esa Rafinya g‘alaba to‘pini kiritdi.
Ushbu g‘alaba evaziga “Barselona” ochkolarini 37 taga yetkazib oldi va musobaqa jadvalida yakka peshqadam bo‘lib turibdi.
La Liga
14-tur bahslari
8-noyabr, seshanba
“Osasuna” – “Barselona” 1:2
Gollar: 1:0 – 6 David Garsiya, 1:1 – 48 Pedri, 1:2 – 85 Rafinya.“Osasuna”: Fernandes, Vidal, Unai Garsiya, David Garsiya, Xuan Krus, Ruben Garsiya (Penya, 75), Moyses Gomes (Barxa, 83), Torro (Kike Garsiya, 59), Monkayola, Oros (Brashanats, 74), Chimi Avila (Budimir, 83).
“Barselona”: ter Shtegen, Balde, Alonso, Kristensen (Gavi, 74), Alba, Buskets, de Yong, Pedri (Riad, 89), Levandovski, Dembele (Rafinya, 78), Ferran Torres (Fati, 78).
Ogohlantirishlar: Levandovski (11), Alba (37), Xuan Krus (45), David Garsiya (46), Torro (54), Monkayola (61), Balde (66).
Chetlatishlar: Levandovski (31), Pike (45).
Izoh (0)