“Барселона” бош мураббийи Ханс-Дитер Флик ўз жамоаси ҳужумчиси Роберт Левандовскининг ўйини ҳақида гапириб, уни сўнгги ўн йилликдаги ўз позициясида энг яхши футболчи деб атади.
“Роберт Левандовски сўнгги 10 йил ичида дунёнинг энг яхши марказий ҳужумчиси ҳисобланади. Унинг вазифаси олдинда ўйнаш ва гол уриш. У эса буни яхши уддалайди, — дея мураббийнинг сўзларини келтиради журналист ва инсайдер Фабрицио Романо Х ижтимоий тармоғидаги саҳифасида.
Жорий мавсумда 36 ёшли Левандовски барча мусобақаларда саккизта ўйинда қатнашиб, етти гол ва иккита голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
“Барселона” клуби кеча, 25 сентябрь куни “Хетафе” клубига қарши учрашувда майдонга тушди ва 1:0 ҳисобида ғалаба қозонди. Учрашувдаг ягона голни полшалик Левандовски киритди.
Изоҳ (0)