“Barselona” va hujumchi Robert Levandovski o‘rtasidagi shartnomaga oid ayrim tafsilotlar ma’lum bo‘ldi.
2022-yilning yozida “Bavariya”dan 50 million yevroga sotib olingan polshalik futbolchi katalonlar bilan to‘rt yillik shartnomaga imzo chekkandi.
SER Catalonia’ga ko‘ra, Levandovskining maoshi har mavsumda o‘zgarib turadi: 2022/23-yilgi mavsumda polshalik 10 million yevro oladi (soliqlardan tashqari), keyingi mavsumda esa uning maoshi 13 million yevroga yetadi. 2024/25-yilgi mavsumda Robert 16 million yevro ishlab topsa, 2025/26-yilgi mavsumda maoshi yana 13 millionga tushadi.
Qayd etilishicha, Levandovski 2024/25-yilgi mavsumda o‘yinlarning 55 foizidan ko‘proq qismini o‘tkazib yuborsa “Barselona” u bilan shartnomani bekor qilish huquqiga ega bo‘ladi.
Qo‘lga kiritilgan sovrinlar uchun Robert 300 ming yevrodan 1 million yevrogacha bonusga ega bo‘ladi.
Mavzuga doir: Robert Levandovski La Ligada Ronaldu va Falkaoning rekordini takrorladi
Izoh (0)