Futbol bo‘yicha Ispaniya La Ligasining 33-turida “Barselona” 29-aprel, dushanba kuni “Valensiya”ga qarshi bahs olib bordi.
Uchrashuvning 22-daqiqasida Fermin Lopes hisobni ochdi. Oradan 5 daqiqa o‘tib, Duro hisobni tenglashtirdi. 38-daqiqada Pepelu penaltini aniq amalga oshirib, “Valensiya”ni oldinga olib chiqdi. Birinchi bo‘lim so‘ngida “ko‘rshapalaklar” darvozaboni jarima maydonidan tashqarida qo‘li bilan to‘pni o‘ynagani uchun Mamardashvili qizil kartochka olib, maydonni tark etdi. Qolgan daqiqalarda “Valensiya” bir kishi kam bo‘lib harakat qildi.
Ikkinchi bo‘lim boshida kataloniyaliklar hujumchisi Robert Levandovski muvozanatni tikladi. 82-daqiqa va 90+3-daqiqada polshalik hujumchi yana ikki marta darvozani ishg‘ol qilib, “ko‘k-anorranglilar”ga g‘alaba keltirdi.
“Barselona” ushbu g‘alabadan so‘ng ochkolari soni 73 taga yetkazib, 2-o‘rinda bormoqda.
La Liga
33-tur
29-aprel, dushanba
“Barselona” — “Valensiya” 4:2
Gollar: 1:0 – 22 Lopes, 1:1 – 27 Duro, 1:2 – 3 Pepelu (penalti), 2:2 – 49 Levandovski, 3:2 – 82 Levandovski, 4:2 — 90+3 Levandovski.
“Barselona”: ter Stegen, Kunde, Arauxo, Kubarsi (Martines, 46), Joau Kanselu (Ferran Torres, 80), Kristensen (Serji Roberto, 46), Gundo‘g‘an, Lopes (Pedri, 73), Rafinya (Joau Feliks, 66), Yamal, Levandovski.
“Valensiya”: Mamardashvili, Tyerri Korreyya, Moskera, Gasorovski, Xesus Vaskes, Pepelu, Gerra (Gilyamon, 71), Almeyda (Domenek, 51), Peter Federiko (Ozkajar, 79), Duro (Mari, 70), Diego Lopes (Kanos, 79).
Ogohlantirish: Kubarsi (42).
Chetlatish: Mamardashvili (45+4).
Izoh (0)