“Barselona” hujumchisi Robert Levandovski yozda “Atletiko Madrid”ga o‘tishi mumkin, deya xabar bermoqda “Barsa Universal” jurnalist Ruben Uriyaning X (sobiq Twitter)dagi postiga tayanib.
Kataloniya klubi 35 yoshli polshalik hujumchi bilan hamkorlikni mavsum oxirida yakunlamoqchi, chunki yozda “Barselona” tarkibida katta o‘zgarishlar kutilmoqda.
Hujumchi “Barsa”ning eng ko‘p maosh oluvchi futbolchilaridan biri. U o‘tgan mavsumdagi o‘yinini takrorlay olmagani va ko‘pincha barqaror o‘yin ko‘rsatishda muammolarga duch kelayotgani bois “Barselona” uni sotish variantini ko‘rib chiqmoqda.
“Atletiko” vaziyatni diqqat bilan kuzatib bormoqda va futbolchini qo‘lga kiritishga urinib ko‘radi.
Levandovskining “Barselona” bilan shartnomasi 2026-yilning yoziga qadar amal qiladi.
Polsha terma jamoasi hujumchisi 2023/24-yilgi mavsumda klub safida 39 ta o‘yinda maydonga tushib, 20 ta gol urdi va 9 ta golli uzatmani amalga oshirdi.
Izoh (0)